Terning produksjonen var i full gong. Patrulja Ørn frå Haugesund NMU Nord syntest oppgåva var heilt grei, men legg til:
- Når du har kome i gong med noko, må du bare gjere det ferdig, legg ein av gutane raskt til. Ein annan flokk med ørner, desse frå Skånevik Speidargruppe, var noko meir entusiastiske. Dei likte å sitte samen i sola og arbeide med ei rolig oppgåve.
- Det er betre enn å strikke, seier Julia med eit smil. Ingen av dei øktdeltakarane 100-Lappen snakka med, hadde noko klar plan for kva dei skulle bruke terningane til. Men i løpet av fredagen skal alle vere ferdig med terningen sin, så kva med kjempe-yatzy med rundt 800 terningar?
Frå scenen tok 100-Lappen turen ned mot roverleiren og speidarlovlotto. Her var det full aktivitet i steinrøysa. Speidarane skulle nemleg samla saman stein med ord på, for så å sette saman desse orda til paragrafane i speidarlova. Dette var ei oppgåve som krevde samarbeid på tvers av patruljegrenser og krinsgrenser. For fant ein ikkje dei steinane ein trong, måtte ein bytte med andre. Med både speidarlovlotto og terningproduksjon, spørs det om kulturminister Trond Giske hadde satt pris på all denne spelaktiviteten blant ungdom.